Presidenti amerikan Donald Trump ka pritur në Shtëpinë e Bardhë këtë të martë kryeministrin kanadez Mark Carney. Edhe këtë herë, Trump nuk hezitoi të deklaronte se ende beson që Kanadaja duhet të bëhet shteti i 51-të i Shteteve të Bashkuara.
“Kur shikon përfitimet për qytetarët kanadezë – taksa më të ulëta, mbrojtje ushtarake falas, kujdes shëndetësor të jashtëzakonshëm – është një marrëveshje fantastike,” tha Trump. Ai shtoi se si zhvillues i pasurive të paluajtshme e sheh bashkimin e dy vendeve si “diçka që ishte e shkruar të ndodhte”.
Megjithatë, Kryeministri Carney reagoi menjëherë: “Siç e dini nga “real estate”, ka vende që nuk janë kurrë në shitje. Kanadaja është një prej tyre.” Ai theksoi se forca e marrëdhënies mes dy vendeve qëndron në partneritetin, jo në bashkimin politik.
Carney vlerësoi angazhimin e Trump për sigurinë ndërkombëtare dhe NATO-n, duke premtuar rritje të investimeve në mbrojtjen kanadeze. Por për idenë e “bashkimit”, qëndroi i palëkundur.
Trump e mbylli me një batutë: “Kurrë mos thuaj kurrë”, duke lënë të kuptohet se ideja, sado e pazakontë, mund të mbetet në tryezë.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…