Kthesa pro-ukrainase e Trump, pas Patriotëve, ai jep edhe armë “sulmuese”

Presidenti i SHBA-së, Donald Trump, pritet të njoftojë një plan të ri për të furnizuar Ukrainën me armë “ofensive” më vonë sot, duke ndryshuar në mënyrë dramatike qëndrimin e tij ndaj luftës me Rusinë, raportoi të dielën faqja e internetit e lajmeve Axios, duke cituar dy burime të njohura me çështjen.

Shtëpia e Bardhë nuk iu përgjigj menjëherë një kërkese për koment nga Reuters.

Ndërkohë, presidenti amerikan njoftoi të dielën se SHBA-të do t’i sigurojnë Ukrainës më shumë sisteme mbrojtëse ajrore Patriot dhe municione për ta dhe për ato ekzistuese.

“Ne do t’u dërgojmë atyre Patriot , të cilët u nevojiten urgjentisht”, tha Donald Trump, vetëm dy javë pasi Uashingtoni njoftoi pezullimin e dërgesave të llojeve të caktuara të armëve dhe municioneve në Kiev, duke përmendur nevojën për të siguruar furnizime të mjaftueshme për forcat e veta të armatosura.

Presidenti Donald Trump ka konfirmuar se Shtetet e Bashkuara do t’i sigurojnë Ukrainës sisteme mbrojtëse ajrore Patriot si pjesë e ndihmës së vazhdueshme ushtarake: “Ne në thelb do t’u dërgojmë atyre pjesë të ndryshme ushtarake shumë të sofistikuara dhe ata do të na paguajnë 100% për…

Ai nuk zbuloi numra specifikë apo kohën e dorëzimit të sistemeve.

 

“Nuk kam vendosur ende për numrin, por ata do t’i kenë, sepse kanë nevojë për mbrojtje”, vazhdoi ai.

Megjithatë, ai sqaroi se “ata do të na paguajnë 100% të vlerës”.

Trump e bëri njoftimin ndërsa iu drejtua gazetarëve në bazën ushtarake Andrews, Maryland.

Diku tjetër në deklaratat e tij, ai theksoi se është “shumë i zhgënjyer” me Vladimir Putinin , ndërsa nuk përjashtoi vendosjen e sanksioneve kur të takohet të hënën në Shtëpinë e Bardhë me shefin e NATO-s Mark Rutte.

Lidhur me presidentin rus, ai tha se “ka habitur shumë njerëz”. Ai u shpjegoi gazetarëve: “Mendova se ai ishte dikush që e mendonte atë që thoshte. Ai flet bukur dhe natën shkon dhe bombardon të gjithë. Nuk na pëlqen kjo.”