Elsa Toska dhe Fiona Papajorgji janë dy anëtaret e reja të Gjykatës Kushteutese të zgjedhura nga Parlamenti. Me votim të fshehtë, Toska mori 105 vota pro, nga 84 që i duheshin, po aq sa edhe Papajorgji.
Në listën e dërguar nga KED është edhe emri i Arta Vorpsit, por pas mbledhjes së këshillit të legjislacionit u vendos që ajo të konsiderohet si e emëruar në Gjykatën Kushtetuese nga lista e Presidentit Meta, edhe pse ky i fundit nuk e zgjodhi atë, duke pezulluar procesin.
Kreu i Kuvendit, Gramoz Ruçi, tha se sipas KED, duke mos u shprehur Presidenti, Vorpsi është automatikisht anëtare e Gjykatës Kushtetuese. “Këshilli doli në përfundimin që procedura është plotësisht kushtetuese”, tha ai para votimit.
Por pas votimit të sotëm mbetet i pa caktuar fati i zonjës Arta Vorpsi, pasi Presidenca nuk e konsideron të zgjedhur prej saj, ndërsa për Kuvendin konsiderohet si zgjedhje tashmë e konfirmuar. Më herët gjatë ditës, këshilltari i Presidentit për çështjet ligjore, Bledar Dervishi, tha se Kuvendi duhet të zgjidhte sot një anëtar të Gjykatës Kushtetuese, më pas Presidenti do të zgjidhte anëtarin e dytë, dhe Kuvendi mund të bënte të njëjtën gjë në seancën e radhës, duke i shtuar kështu, sipas tij, katër anëtarë Gjykatës Kushtetuese.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…