Administratori i një kompanie private në Gramsh është kërcënuar me jetë nga 4 persona që i kanë kërkuar të hiqte dorë nga gara pre një tender publik që kishte fituar në Bashkinë e Tiranës. Në pranga ka rënë pronari i kompanisë “Alcani”, Shaqir Alcani pas denoncimit të Eral Myftarit.
Eral Myftaraj, administrator i firmës “Almex greenwood” me qendër në Cërrik, është kërcënuar me jetë nga 4 persona që të tërhiqej nga tenderi që kishte fituar në bashkinë e Tiranës për furnizimin me lëndë drusore nëpër shkolla me vlerë 853 mije euro. Policia ka arrestuar Algert Alcani, 27 vjeç, Edmir Boci, 37 vjeç, Shaqir Alcani, 62 vjeç, të tre banues në Tiranë, si dhe ka shpallur në kërkim L. K., 38 vjeç.
Në dokumentin e Prokurimit Publik, siguruar nga Report Tv, në garë kanë marrë pjese tre kompani “ALCANI sh.p.k, REDI PELLET sh.p.k dhe AL-MEXWOOD sh.p.k. Kompania fituese me ofertën me të ulët me vlere rreth 565€ është shpallur AL-MEXWOOD sh.p.k e Myftarajt.
Algerti në bashkëpunim me babanë e tij, Shaqir Alçani (pronar i kompanisë së druve Alcan) paguan persona me rekorde kriminale që të kërcënojnë me jetë biznesmenin dhe familjen e tij me qëllim që ai të tërhiqej nga tenderi publik. Rezulton se Algert Alcani ështe punonjës në bashkinë e Tiranës. Ai ëshstë përgjegjës në bashkinë Tiranë.
