Lideri i opozitës në Hungari: Orët e fundit të regjimit të Orbánit

Pas mbylljes së qendrave të votimit janë publikuar sondazhet e kryera para zgjedhjeve. Sipas tyre, opozita e udhëhequr nga Tisza parashikohet të marrë 55% të votave, ndërsa Fidesz, partia e Orbánit, rreth 38%.

Sondazhi është realizuar nga 212 Research Centre. Sipas këtij instituti, Tisza mund të fitojë deri në 132 vende nga gjithsej 199 në Parlament.

Pas mbylljes së procesit të votimit në zgjedhjet parlamentare, ku pjesëmarrja arriti shifrën rekord 77.8%, lideri i opozitës hungareze, Péter Magyar, shprehet hapur: “Regjimi po jeton orët e tij të fundit, jemi në prag të një ndryshimi sistemi. Le ta kalojmë së bashku! Të qëndrojmë të gjithë të qetë dhe me humor të mirë: koha është në anën tonë! Zoti e bekoftë Hungarinë!”