Arberesha Loxha nga GLSP ka thënë se çështja e arritjes së marrëveshjes mes VV-së dhe LDK-së është esenciale.
Ajo në Rubikon të KTV-së ka thënë se në Kosovë është krijuar kulturë që partitë e bëjnë ndarjen e pushtetit në interesa partiake, duke vënë në rend të dytë interesin shtetëror.
Ajo thotë se duhet të ketë njëherë konstituim të Kuvendit, sepse sipas saj pa konstituim nuk mund të shkohet as në zgjedhje as të procedohet tutje.
“Edhe nëse partitë nuk kanë një dakordim nuk mund të shpërbëhet kuvendi dhe nuk mund të shkohet në zgjedhje. Ky është cikël sekuencial”, ka thënë ajo.
Sipas saj zhagitja e krijimit të institucioneve po e dëmton vendin.
“Tani kemi dy muaj e gjysmë pa qeveri dhe kemi një qeveri në detyrë e cila po e shfrytëzon në maksimum edhe ta keqpërdor buxhetin”, ka thënë ajo.
