Influenceri kontrovers, Andrew Tate, dhe i vëllai i tij, Tristan, dolën nga burgu një ditë më parë, pasi gjykata në Rumani vendosi t’i ndryshonte masën e sigurisë në “arrest shtëpie”.
Nuk ka vonuar shumë dhe Andrew ka postuar një video të shkurtër nga shtëpia e tij. Në videon e shkurtër, ai shfaqet pa bluze dhe me një puro në dorë, ndërsa falënderon fansat e tij për mbështetjen që i kanë dhënë, ndërsa ishin në burg.
Së bashku me ta, e njëjta masë u dha dhe për dy bashkëpunëtore, Georgiana Naghel dhe Luana Radu, të cilët do të duhet të qëndrojnë në apartamentet ku jetojnë deri në një vendim tjetër të gjykatës.
Vëllezërit u arrestuan në dhjetor nga policia rumune dhe po hetohen për akuzat e përdhunimit, trafikimit të qenieve njerëzore dhe formimin e një grupi të organizuar kriminal.
Sipas autoriteteve rumune, në vilën e tyre luksoze në periferi të Bukureshtit mbaheshin 6 vajza, të cilat detyroheshin të xhironin video pornografike.
Tate u bë i famshëm në vitin 2016, kur u përjashtua nga Big Brother në Britaninë e Madhe pasi nisi të qarkullonte në rrjet një video ku ai shihej teksa godiste një grua me kamxhik. Në atë kohë, ai tha se video ishte manipulim i bërë për ta diskretituar.
I lindur në Çikago, Tate është djali i një amerikani që ka punuar në Britaninë e Madhe si pjesë e Forcave Ajrore dhe që gjithashtu ishte një kampion shahu. Prindërit e tij u takuan në Mbretërinë e Bashkuar e më pas u transferuan në SHBA, ku Tate u rrit derisa prindërit e tij u ndanë. Më pas, ai u transferua në Luton të Anglisë, ku jetoi me të ëmën.
Në TikTok, videot me hashtag #AndrewTate kanë më shumë se 12,7 miliardë shikime. Në këto video përfshihen edhe ato ku kritikohet influenceri dhe stili i tij i jetës. Në intervistat që ai realizon në rrjetet sociale i përshkruan gratë si “përtace” dhe gjithashtu pretendon se “femra e pavarur” nuk ekziston.
Ai e përshkruan veten si “milioner i realizuar vetë” e madje në një intervistë të fundit pretendon se tashmë është bërë miliarder. Biznesi më fitimprurës sipas tij është ai i “webcam”, ku vajzat flasin dhe performojnë para njerëzve që qëndrojnë nga ana tjetër e ekranit dhe paguajnë për të parë.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…