Presidenti i Kroacisë, Zoran Milanović, ka bërë të ditur se nuk ka kushte që presidenti i Serbisë, Aleksandar Vučić, të vijë në Kroaci, prandaj ai ka vendosur të anulojë takimin e Procesit “Brdo-Brioni” që ishte planifikuar të mbahej në maj në Kroaci.
Në një deklaratë të shkruar, Milanović tha se shprehjet dhe veprimet e presidentit Vučić në ditët dhe javët e fundit janë në kundërshtim me qëllimet e Procesit “Brdo-Brioni”, dëmtojnë marrëdhëniet ndërmjet shteteve dhe rrezikojnë paqen dhe stabilitetin në Evropën Juglindore.
Procesi “Brdo-Brioni” është një iniciativë e Kroacisë dhe Sllovenisë (të dyja vende anëtare të Bashkimit Evropian) që synon të përmirësojë bashkëpunimin rajonal dhe të përshpejtojë integrimin evropian të vendeve të Evropës Juglindore. Samiti i këtij procesi ishte planifikuar të mbahej në maj të këtij viti.
Milanović theksoi se takimi do të mbahet vetëm kur të krijohen kushtet e duhura, pas konsultimeve mes tij dhe presidentes së Sllovenisë, Nataša Pirc Musar, e cila është bashkudhëheqëse e Procesit “Brdo-Brioni”.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…