Kryetari i Pejës, Gazmend Muhaxheri, ka lexuar në emisionin Pressing në T7 letrën që i ka ardhur nga një qytetar anonim, e që ai thotë se prej kësaj letre kanë filluar hetimet nga prokuroria.
Muhaxheri thotë se denoncimi i parë ka qenë tërësisht politik dhe ka shtuar se ka dorëzuar kallëzim penal ndaj qytetarit në fjalë për shantazh ndaj tij dhe drejtorit të urbanizmit.
“Vjen një denoncim të cilët drejtorët e drejtorive në Pejë janë duke bërë keqpërdorime. Ndoshta është mirë me lexu se si funksionojë këto parti policeske. Denoncimi i parë është politik”, thotë ai teksa e lexon letrën.
“I nderuar kryetar i komunës zoti Muhaxheri, dëshiroj të nju njoftoj se drejtorët e juaj të urbanizmit janë duke u angazhuar në aktivitete kriminale gjatë kohës së parazgjedhjeve me qëllim të përfitimit të paligjshëm duke u mbështetur me kërkesat e disa ndërtuesve në l89dhje me dhënien e disa lejeve ndërtimore. Kërkojmë nga ju që të ndërmerrni dicka në të kundërt edhe ju jeni të përfshirë së bashku me drejtorët.
Muhaxheri thotë se Drejtori i Urbanizmit ka punuar ndershëm, teksa tregon se prokuroria nisi hetimet pas kësaj letre.
“Me 12 maj, prokuroria nis hetimet në bazë të kësaj letre. Ata ia lejojnë prokurores më të guximshme, zonja Haxhosaj që të merret me këtë rast”, thotë ai.
“Cka ndodh, vjen përsëri një letër tjetre. Ky është shantazh publik ndaj meje dhe drejtorit për urbanizëm. Unë shkoj kryeprokurorit në Pejë dhe bëj kallëzim penal ndaj këtij personi për shantazh. Pse po them që është shantazh, sepse Drejtoria e Urbanizimit i ka rritur të gjitha objektivat e planit dhe i ka tejkaluar me punë të ndershme”, shtoi Muhaxheri.
Ndryshe, me vendim të Prokurorisë Themelore në Pejë, Policia e Kosovs ka kryer disa bastisje në Pejë, Klinë dhe Istog pas dyshimeve se disa zyrtarë komunalë kanë keqpërdorur pozitën zyrtare, lidhur me disa ndërtime të paligjshme. Në këtë aksion ishin arrestuar të drejtorët e urbanizmit në Pejë, Istog dhe Klinë.
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…
Kryeministri Edi Rama ka reaguar me ironi në rrjetet sociale pas protestës e cila u…
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…