Varësia nga droga në Kosovë sa vjen e shtohet dhe kjo dëshmohet çdo ditë me kapjen dhe arrestimin e dhjetëra personave konsumues të substancave narkotike.
Por kjo dukuri nuk po i mban imun as personat që janë prapa grilave. Sikleti për të konsumuar drogë po i detyron ata që të kërkojnë nga të afërmit të veprojnë kundërligjshëm, për t’iu dërguar sasi të ndryshme të narkotikëve.
Një rast i tillë është zbuluar dje në Qendrën Korrektuese në Dubravë, pasi një grua që kishte dërguar disa gjëra për djalin e saj i cili vuan dënimin me burgim në këtë qendër, u kap në flagrancë me sasi të substancës së dyshuar narkotike të llojit marihuanë.
Burimet e Gazetës Sinjali brenda Prokurorisë kanë bërë me dije se oficerët korrektues pasi kanë vërejtur se mund të ketë diçka të kundërligjshme, kanë bërë një kontroll të detajuar ku në atletet e të burgosurit janë gjetur rreth 20 toptha me marihuanë.
E dyshuara është shoqëruar në stacion policor dhe është intervistuar në praninë e avokatit mbrojtës, ku ka dhënë dëshminë e saj lidhur me rastin.
Pas përfundimit të procedurave policore, Prokurori i Shtetit ka urdhëruar që ajo të hetohet në liri për veprën penale ‘Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge’.
Presidenti I Kroacisë, Zoran Milanoviç ka reaguar lidhur me deklaratat e homologut të tij serb,…
Policia është vënë në kërkim të Nexhdet Zymberajt, pronarit të lokalit “My Place” në Gjakovë,…
Kryeministri Albin Kurti e përmendi çështjen e integrimit të sistemit shëndetësor dhe arsimit në kornizën…
Gjakova është tronditur nga një vrasje që ka ndodhur sot në orët e herëshme të…
Zana Guxholli, e ftuar në studion e “Terminal” nga Aurora Sulçe, deklaroi se me nafta…
Një ngjarje e rëndë ka tronditur mëngjesin e sotëm Gjakovën, ku si pasojë e të…