Sot në mëngjes objekti i supermarketit ‘ETC’ që gjendet në Klinë është kapluar nga zjarri. Ky është rasti i dytë brenda katër muajve ku objekte të Elkos përfshihen nga zjarri.
Pronari i ELKOS Group, Ramiz Kelmendi tha për Gazetën Insajderi se nuk i duket normale kjo. Ai tha se ka kërkuar hetime edhe përmes kamerave nga policia për të parë nëse zjarri është vënë qëllimisht.
“Isha për ta parë nga afër. Aty ishin policia, zjarrfikësit dhe e gjithë ekipa relevante. Dhanë mundësitë që kishin për mos ta lënë të zgjerohet zjarri por si duket është dëmtuar krejtësisht. Kërkova nga policia të hulumtojnë, të shikojnë kamera, të bëjnë hulumtime me të thella“, tha Kelmendi për Insajderin.
Teksa shtoi se nuk ka marrë asnjë kërcënim dhe nuk ka informata nëse zjarri mund të jetë i qëllimshëm.
“Nuk është normale që të ndodhin dy zjarre njëra pas tjetrës. Unë nuk kam ndonjë kërcënim as nuk kamë ndonjë informatë, por kërkesa është që të hulumtohet me thellë“, përfundoi Kelemendi.
Një zjarr i madh në mars kishte përfshirë objektin e Elkos Center në Pejë. Aty tetë persona nuk kanë marrë lëndime të rënda por vetëm janë helmuar nga tymi dhe tanimë janë liruar.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…