Raportuesja e Parlamentit Evropian për Kosovën, Viola von Cramon, ka thënë se dëshiron që serbët e Kosovës të mbrohen, duke reaguar ndaj deklaratës së drejtorit të Zyrës për Kosovë Petar Petkoviq. Ky i fundit ka thënë se nëse von Cramon, do të kujdesej për serbët “ajo do të dënonte 110 sulme të motivuara etnikisht”.
Ajo ka shkruar në Twitter se dëshiron që serbët e Kosovës të mbrohen sa më shumë.
“Unë dua që serbët e Kosovës – në jug dhe veri të Ibrit – të mbrohen sa më shumë që të jetë e mundur. Për të shmangur një rast tjetër si të Oliver Ivanoviqit, i cili mbetet i pazgjidhur për shkak të mungesës së sundimit të ligjit ose një “dite të mjegullt” në veri”, tha ajo, përcjell Bota sot.
On the contrary, I do want the Kosovo Serbs – both south and north of Ibar – to be protected as much as possible.
In order not to have another case of #OliverIvanović, which due to the lack of rule of law or another ‘foggy day’ in the North remains unresolved. https://t.co/t5OY9TOZLS
— Viola von Cramon (@ViolavonCramon) October 21, 2021
Petkoviq më herët ka reaguar ndaj deklaratës së von Cramon, e cila dje tha se KFOR-i është informuar për aksionin e policisë së Kosovës në veri të Kosovës më 13 tetor dhe se ishte e qartë “se nuk kishte dyshim se ishte e nevojshme”.
Gjatë ditës, von Cramon iu kundërpërgjigj edhe ambasadorit të Serbisë në SHBA Marko Gjuriq, i cili e quajti atë “dashnore” të Kurtit.
