Presidenti i Serbisë, Aleksandër Vuçiq, postoi një video në Instagram, në të cilën ai theksoi se të gjithë e kuptuan se sa e vështirë ishte situata dhe sa të lidhura ishin duart e Serbisë në Kosovë.
Gjithashtu, presidenti serb kërcënoi sërish me luftë duke thënë se “ne duhet të luftojmë për popullin tonë “.
“Sepse nëse nuk luftojmë, atëherë nuk do të jemi kurrë në gjendje të arrijmë asgjë,” deklaroi Vuçiq.
Ai shtoi se Serbia ka bërë përparime kur luftoi, sepse serbët treguan se kanë forcë, energji, njohuri dhe besim në vetvete.
“Unë thjesht mendoj se është jashtëzakonisht e rëndësishme për ne që të tregohemi të përmbajtshëm dhe në çdo kohë të përpiqemi për kompromis, por edhe të tregojmë vendosmëri dhe të luftojmë për vendin tonë, të luftojmë për Serbinë tonë, për popullin tonë dhe për të gjithë qytetarët e tjerë që jetojnë në këtë vend ”, ka theksuar Vuçiq.
“Faleminderit njerëzve në këto ditë të vështira për mbështetjen e tyre, faleminderit njerëzve tanë në Jarinje dhe Bërnjak, Serbia është me ju,” shkroi Vuçiq në Instagram.
