Presidentja Vjosa Osmani sot ka qëndruar në Mal të Zi ku po merr pjesë në ceremoninë inauguruese të presidentit të ri të Malit të Zi, Jakov Milatoviq. Kjo ceremoni mblodhi bashkë udhëheqësit e rajonit, përfshirë edhe presidentin e Serbisë, Aleksandar Vuçiq.
Mysafirët zunë vendin në rreshtin e parë gjatë inaugurimit të Milatoviqit dhe kjo pamja ku janë edhe Osmani edhe Vuçiqi nuk mbeti pa u komentuar.
Të paktën, kështu po thotë shefi i Presidencës, Blerim Vela, i cili citoi një diplomat europian, pa ia zbuluar emrin, se ka thënë që kjo përbën hapin e parë për Serbinë në respektimin e artikullit 4 të marrëveshjes së fundit mes Kosovës dhe Serbisë.
“Një diplomat i BE-së vuri në dukje me cinizëm se pjesëmarrja e Vuçiqit së bashku me Presidenten Osmani në inaugurimin e Presidentit të ri të Malit të Zi përfaqëson hapin e parë të Serbisë në zbatimin e artikullit 4 të marrëveshjes me Kosovën për përfaqësim të veçantë në arenën ndërkombëtare. Mbase ai ka të drejtë”, ka shkruar Vela në Twitter.
Osmani ishte e ulur afër presidentit të Shqipërisë, Bajram Begaj, ndërsa në këtë rresht, përveç Vuçiqit, ishin edhe anëtarët e Presidencës së Bosnjës dhe Hercegovinës, Zheljka Cvijanoviq, Zheljko Komshiq dhe Denis Beqiroviq dhe ai i Kroacisë, Zoran Milanoviq.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…