Në rrjetet sociale po qarkullojnë video të ushtarëve rusë me dëshmi të tmerrshme se si komandantët e tyre i mbajnë në kafaze të nëndheshme me hekura sipër.
Ushtarët rusë të ndëshkuar u mohohet uji dhe ushqimi nga ushtria e tyre sepse ata refuzojnë të luftojnë ose dehen.
“Ne jemi në baltë, në shi, jemi të gjithë të lagur. Fytyrat e kolegëve të mi janë ‘thyer’. A e dini se çfarë bëmë? Pimë disa birra”, tha në një video ushtari rus Pavel Gorelov.
Pamjet tregojnë disa burra me uniforma luftarake ruse të ulur në një dysheme të fortë në kushte çnjerëzore.
Disa prej tyre u plagosën rëndë, me prerje të përgjakshme në fytyrat e tyre të fryra.
“I bëj thirrje kryeprokurorit të na ndihmojë. Ju i keni parë këto kushte”, tha Gorelov.
Në një video tjetër, një ushtar rus, ndoshta nga e njëjta njësi, ankohet se mbahet në një gropë në kushte brutale.
Flarit Baitemirov shpjegon se ai ishte një ushtar vullnetar nga Saratovi në jug të Rusisë dhe se ishte mbajtur në gropë që nga fundi i marsit.
“Më kapën rusët e mi. Unë jam rus,” tha ai.
Gropat e hapura të mbuluara me hekura quhen ‘zindan’ dhe përdoreshin në Azinë Qendrore për të mbajtur të burgosur dhe shpesh përdoreshin nga Ushtria Perandorake Ruse.
Gropat shpesh ishin të mbipopulluara dhe në to përhapeshin sëmundje të ndryshme. Të burgosurit ishin të ekspozuar ndaj kushteve të ndryshme të motit dhe vëzhgimi i botës së jashtme përmes hekurave kishte një efekt negativ në shëndetin e tyre mendor dhe fizik.
Që nga fillimi i vitit, ushtarët rusë të dëshpëruar kanë ngarkuar dhjetëra video duke iu lutur komandantëve të tyre që t’i shpëtojnë nga kaosi, vdekja dhe shkatërrimi në vijat e frontit. Shumë thonë se nuk kanë zgjidhje tjetër veçse të rebelohen.
