LAJME

Pasuesi i Jack Smithit, më 2011 kërkonte hetime ndërkombëtare për gjeneralët e UÇK-së

Ushtruesi i Detyrës së kryeprokurorit të Dhomave të Specializuara të Kosovës (DHSK) në Hagë, Alex Whiting, në një intervistë për “Klan Kosovën” në vitin 2011, pati folur për atë se pse është më mirë të krijohej një trup ndërkombëtar për t’i hetuar krimet e pretenduara gjatë luftës së fundit në Kosovë.

Ai pati thënë se të gjithë njerëzit mendojnë se do të ishte më mirë sikur vetë shteti t’i ndiqte krimet që janë bërë, por sipas tij, kjo shpesh nuk mund të bëhet.

“Për shkak se këto krime ndodhnin në një ambient të polarizimit të skajshëm të qëndrimeve politike dhe në një ambient të tillë ku ka pasur luftë e konflikt, do të jetë shumë e vështirë për shtetin që të kthehet e t’i ndjekë e t’i hetojë liderët ose gjeneralët e vet”, ishte shprehur Whiting në këtë intervistë, transmeton Klankosova.tv.

Whiting sugjeronte që në këso rastesh është e nevojshme të ketë një trup ndërkombëtar që do të hetojë krimet, ngjashëm me atë që kërkonte edhe Dick Marty.

Kujtojmë se tash U.D i Kryeprokurorit të Speciales, Alex Whiting, ishte edhe prokuror i Tribunalit të Hagës, që ndoqi penalisht edhe kryetarin aktual të NISMA-s, Fatmir Limajn.

Whiting erdhi në këtë pozitë pasi Kryeprokurori i deritashëm i Speciales, Jack Smith, dha dje dorëheqje nga detyra.

Ai është emëruar në pozitë të re, atë të Këshilltarit Special nga ana e Prokurorit të Përgjithshëm të SHBA-së, Merrick B. Garland.

Smith ka dy procese për t’i hetuar dhe njëri lidhet direkt me ish-Presidentin e ShBA-së, Donald Trump, i cili ditë më parë ka zyrtarizuar kandidaturën për Shtëpinë e Bardhë për 2024.


FM IMAGES

FM IMAGES ALBANIA - Copyright © 2025 e-mail: info@fmimages.net. All Rights Reserved.

Recent Posts

  • BOTA

Irani pezullon operacionet ushtarake kundër Izraelit

Irani ka njoftuar se ka pezulluar operacionet ushtarake kundër Izraelit, por ka paralajmëruar se do…

9 orë ago
  • POLITIKE

Pjesëmarrja në zgjedhjet e djeshme, më e ulëta në pesë ciklet e fundit zgjedhore

Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…

14 orë ago
  • KRYESORE

Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe AAK 7.10%

Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…

1 ditë ago
  • FOTO&VIDEO

Afro 20 për qind të votave të numëruara, prin VV’ja

Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…

1 ditë ago
  • KRYESORE

Zgjedhjet në Kosovë – Exit Polli i Albanian Post në T7: VV’ja 43%, PDK 22, LDK 18 dhe AAK 7

Sot në Kosova janë mbajtur zgjedhjet e jashtëzakonshme parlamentare. Lidhur me këtë,  është publikuar Exit…

1 ditë ago
  • KRYESORE

Narrativa të fabrikuara: Si u deformuan protestat për Zvërnecin

Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…

1 ditë ago