Nutricionistja dhe instruktorja e fitnesit nga Novi Pazari(Serbi), Zilha Trtovac Smakiç, tërhoqi shumë vëmendjen e mediave dhe publikut të gjerë kur hapi rrjetet sociale dhe filloi të edukojë gratë në mbarë rajonin.
Në pak kohë, ajo u bë e njohur në rrjetet sociale dhe videot e saj me këshillat e ushqimit u bënë virale.
Në një emision, Zihla ka treguar nëse priste kaq shumë vëmendje nga mediat dhe rrjetet që ka pasur muajt e fundit, si dhe ka treguar edhe pse ka vendosur të mbajë hixhabin.
“Sinqerisht, nuk prisja vëmendje të menjëhershme, por e prita për disa gjëra. Unë bëra diçka ndryshe nga ajo që është parë më parë. Mendova se interesimi do të shkonte në atë drejtim dhe falë Zotit shkoi”, thotë Zilha.
Ajo shtoi se ka vendosur të ushtrojë këtë profesion.
“Kjo histori filloi diku në vitin 2014, kur humba babain tim dhe u tundova shumë. Në fillim të majit të atij viti babai im u shpërngul (vdiq), dhe në fund të muajit burri im duhej të shkonte jashtë shtetit, ndërkohë që fëmijët, tre djem, ishin të vegjël. Disa nga miqtë e mi pastaj filluan të shkonin në disa kurse fitnesi, më ftuan të shkoja me ta, por ishte shumë e vështirë për mua. Gjithsesi, babai im ishte një mbështetës i madh i edukimit tim dhe gjithçkaje”.
Zihla thotë se është martuar para se të mbaronte shkollën e mesme dhe kjo ishte e vështirë për prindërit e saj.
“Unë studiova këtu, u martova si studente e diplomuar dhe ishte e vështirë për prindërit e mi. Gjithmonë kishin pak frikë se a do të kem sukses në biznes”, pranon Zilha.
Punën e parë e ka marrë në vitin 2016 dhe që nga ajo kohë ia ka kushtuar jetën ushqyerjes dhe ushtrimeve dhe shumë thonë se është shumë e suksesshme në këtë punë.
Duke qenë se jeton në Novi Pazar, Zilha tha se në qytetin e saj ka disa specifika që nuk ekzistojnë në qytetet e tjera të Serbisë.
“Tek ne është pak specifike; për shembull keni kohë për femra në pishinë, edhe kohë për femra për palestër. Kur kam filluar punë kam dashur edhe të konfirmoj njohuritë e mia, kështu që më pas kanë filluar certifikatat dhe më vonë kam hapur rrjetet sociale”.
Nutricionistja tregon gjithashtu se ka vendosur të mbulohet dhe se këtë vendim e ka marrë kur po mbaronte universitetin, duke pohuar se prindërit e saj kishin frikë pas kësaj.
“U mbulova kur isha studente e diplomuar. Askush në familjen time nuk mban hixhab, askush nuk ishte praktikant fetar. Ata shqetësoheshin nëse pamja ime do të ndikonte në punën time.
Arsyeja e hixhabit tim janë vajzat që takova në xhaminë e Beogradit, njëra ishte Jelena, tjetra Aleksandra, të dyja e pranuan Islamin. Ato vajza më kërkuan t’i mësoja diçka, ndërsa nuk mund t’u përcillja asgjë. Në atë moment ndjeva njëfarë xhelozie, pasi ata ishin përpara meje në besim dhe duhej të isha unë ajo nga e cila do të mësonin”, përfundoi Zilha.
