Qindra familje paraqitën sot një padi kolektive në Zyrën e prokurorit të Parisit kundër rrjetit social TikTok për dyshime “abuzimi me dobësinë”, raportoi transmetuesi Franceinfo.
Familjet, të përfaqësuara nga avokatja Laure Boutron-Marmion, akuzojnë platformën për shfrytëzimin e cenueshmërisë së të miturve, në disa raste duke kontribuar në vetëvrasje dhe çrregullime të rënda të shëndetit mendor.
“Ne kemi një makinë të projektuar, të zhvilluar për të shfrytëzuar këtë cenueshmëri. TikTok-u krijon burgje mendore për adoleshentët, burgje ankthi”, tha Boutron-Marmion për Fanceinfo.
Ajo i krahasoi efektet e TikTok-ut me “krizën dixhitale”. Padia synon drejtuesit e TikTok-ut në Francë dhe ndërkombëtarisht duke argumentuar se platforma është plotësisht e vetëdijshme se si funksionon algoritmi i saj i rekomandimeve.
“Është një sistem rekomandimesh shumë të personalizuara dhe lëvizjeje të vazhdueshme që gjeneron varësi të fortë dhe shfrytëzon cenueshmërinë e adoleshentëve”, tha ajo.
“Ata i dinë shumë mirë efektet e platformës, por nuk bëjnë asgjë”, shtoi Boutron-Marmion. Avokatja tha se familjet po kërkojnë ta çojnë TikTok-un para një gjykate penale franceze për abuzim me dobësinë, përveç procedurave civile që janë në vazhdim.
“Ata nuk duan të ndalen vetëm në një ankesë të thjeshtë”, tha ajo. Disa nga familjet e përfshira kanë humbur fëmijë nga vetëvrasja ndërsa të tjera raportojnë raste të anoreksisë, depresionit dhe mendimeve vetëvrasëse.
Padia gjithashtu kërkon rregullim më të rreptë të mediave sociale, përfshirë një ndalim të mundshëm për përdoruesit nën 15-vjeç, një ide që aktualisht është në diskutim në Francë.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…