Një nga mediat e pakta në gjuhën serbe në Kosovë, “Kosovo-Online”, pretendon se një ish-polic serb me inicialet M.J, është arrestuar të martën në pikëkalimin kufitar në Jarinjë derisa po udhëtonte për në Leposaviq.
Lajmi nuk është konfirmuar apo demantuar ende nga Policia e Kosovës.
Albanian Post ka tentuar të kontaktojë me Policinë e Kosovës për të marrë më shumë informacione, por deri në publikimin e këtij lajmi, të njëjtët nuk kanë qenë të qasshëm në telefon.
Mediumi në fjalë pretendon se bashkëshortja e të arrestuarit, ka deklaruar se atyre u është thënë se “diçka nuk po shkon, por janë lejuar të vazhdojnë udhëtimin” në drejtim të Serbisë.
Bashkëshortja e të arrestuarit, siç pretendon media në fjalë, tha se ata janë mbajtur për një orë e gjysmë, dhe më pas, bashkëshorti i saj është marrë nga Policia e Kosovës dhe është dërguar në drejtim të Mitrovicës së Veriut.
Vitin e kaluar serbët lokalë ngritën barrikada dhe bllokuan rrugët në veri pasi Policia e Kosovës arrestoi ish-pjesëtarin serb, Dejan Pantiç, nën dyshimet për sulm terrorist ndaj Komisionit Qendror të Zgjedhjeve.
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…