Masakra në Bucha të Ukrainës nga forcat ruse u konsiderua nga shteti rus si inskenim, e në lidhje me këtë, eksperti amerikan për Ballkanin, Edward P. Joseph ka bërë një krahasim me masakrën Reçkaut duke thënë se njëjtë vepronte dhe presidenti serb Aleksandër Vucic, duke e quajtur ‘të sajuar’, transmeton Gazeta Metro.
Edward Joseph, përmes një shkrimi në Twitter, ka bërë krahasimin mes shtetit rus dhe atij serb, duke thënë se masakra në Bucha dhe ajo në Reçak në të dy këto rastet autoritetet e dy shtatëve i kanë janë quajtur ‘të sajuara’.
“A është dikush i habitur që Moska menjëherë –do të pretendonte se mizoritë ruse në Bucha ishin “të sajuara”? A i kujtohet ndokujt që Presidenti serb Vucic, dy dekada pas faktit pretendoi se mizoritë serbe në Reçak të Kosovës ishin “të sajuara”, tha ai.
“Cili është ndryshimi përveç numrit të viktimave?”, tha Joseph.
Ai tutje pyeti se janë të gjithë të vetëdijshëm se Beogradi po e rishikon të kaluarën e vetë në Ballkan dhe po shtrembëron po shtrembëron realitetin aktual të pushtimit brutal të Rusisë.
“A janë të gjithë të vetëdijshëm që Beogradi po rishikon të kaluarën e tij në Ballkan – dhe po shtrembëron realitetin aktual të pushtimit brutal të Rusisë? Se ka një vijë të drejtë midis mohimit të Raçakut nga Vuçiq dhe promovimit të agresionit rus nga Beogradi në Ukrainë”, ka shkruar Joseph.
1/ Is anyone surprised that Moscow would – immediately – claim that Russian atrocities in #Bucha were “staged”? Does anyone remember that Serbian President #Vucic – two decades after the fact – claimed that Serbian atrocities in #Racak, Kosovo were “fabricated”? 🧵
— Edward P. Joseph (@edwardpjoseph) April 4, 2022
Joseph, thekson se mizoritë serbe gjatë viteve të 90’ta, janë të njëjta me vrasjet ruse në Ukrainë. Gjithashtu theksoi se kush në Serbi citon dallimet e tmerrshme midis bombardimeve të NATO’s të vitit 1999 dhe fyerjeve të sotme ruse në Ukrainë
“Kush në Serbi citon dallimet e tmerrshme midis bombardimeve të NATO’s të vitit 1999 dhe fyerjeve të sotme ruse në Ukrainë? Kush përmend ngjashmëritë midis mizorive ruse sot dhe mizorive serbe në vitet 1990? Jo media kryesore serbe. Narrativa mbetet: ‘ne jemi viktima. Mohimi i së kaluarës nuk është një fazë e përkohshme për Vuçiqin apo për Putinin. Qëllimi i tij është të ‘transformojë’ autorin në viktimë. Ankesa kombëtare është ajo që nxit nacionalizmin agresiv, në Ballkan, në Hungari dhe në Rusi”, deklaroi eksperti amerikan.
