Sekretari amerikan i Shtetit, Mike Pompeo, ka shprehur solidaritetin me Shqipërinë për ditët e vështira që po kalon si pasojë e tërmetit kastrofik që shkaktoi vdekjen e 42 personave, plagosjen e qindra të tjerëve dhe dëme ta pallogaritshme materiale.
“Ndërsa Shqipëria përkujton solemnisht Ditën e Pavarësisë, ne ofrojmë ngushëllimet tona më të thella për ata që humbën jetën në tërmetin e kësaj jave. Sot, lutjet tona janë me familjet e tyre, si dhe me ata të plagosur. Në emër të popullit amerikan, urojmë për të gjithë të plagosurit shërim të shpejtë. Edhe tani, ashtu si në periudha të tjera të vështira, Shtetet e Bashkuara janë me miqtë tanë në Shqipëri” shprehet Pompeo në deklaratën për shtyp.
Që nga rënia e komunizmit tridhjetë vjet më parë, vijon Pompeo, Shqipëria dhe Shtetet e Bashkuara kanë zhvilluar një partneritet gjithnjë e më të fortë.
“Shtetet e Bashkuara mbështesin me ngulm rrugën e Shqipërisë drejt integrimit evropian dhe përgëzojnë vendosmërinë e Shqipërisë në ndjekjen e këtij qëllimi. Ne e përshëndesim përpjekjet e Qeverisë së Shqipërisë për të zbatuar reformat e nevojshme, përfshirë ato reforma që synojnë forcimin e një gjyqësori të pavarur. Ne vlerësojmë thellësisht kontributet pozitive të Shqipërisë në koalicionin e NATO-s dhe mirëpresim udhëheqjen e Shqipërisë si kryetari i OSBE-së 2020”.
Pompeo thekson se miqësia ShBA-Shqipëri qëndron si një shtyllë e qëndrueshme e paqes dhe stabilitetit, dhe ne mezi presim për shumë vite të tjera miqësi dhe bashkëpunim.
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…