SHBA udhëzon stafin në Izrael të largohen, luftanija amerikane arrin në Izrael

Departamenti Amerikan i Shtetit ka njoftuar shtetasit e SHBA’së që të mos udhëtojnë në Izrael. Ndërsa ambasadori amerikan Mike Huckabee i ka njoftuar personelin jo esencial të ambasadës amerikane që të largohen që sot nëse duan.

Huckabee i ka njoftuar stafin që në orët e para të mëngjesit të të premtes që të largohen sa më parë nëse duan pasi do të shtohet kërkesa së shpejti.

 

Kina komunisye gjithashtu ka këshilluar shtetasit e saj që të përforcojnë masat e sigurisë dhe të jenë të gatshëm për urgjenca duke u thirrur në shtim të rrezikut të sigurisë.

Plot shtete të tjera tashmë kanë udhëzuar qytetarët e tyre që të mos udhëtojnë apo edhe të largohen nga Lindja e Mesme.

Luftanija më e madhe dhe më e sofistikuar në botë, USS Gerald R. Ford tashmë ka ankoruar në portin izraelit të Haifa të premten dhe është në gatishmëri për veprime operacionale.

Sipas raporteve të fundit edhe Komanda Qendrore e Ushtrisë Amerikane i ka raportuar planin operacional presidentit amerikan Donald Trump pavarësisht se pretendohet se kishte përparim në bisedimet në Gjenevë mes SHBA’së dhe teokracisë islamiste të Iranit.

 

SHBA ka dislokuar forca të shumta ajrore dhe infrastrukturë mbështetëse për një fushatë të gjatë dhe përfundimtare ndaj regjimist terrorist islamist të Iranit që refuzon të heqë dorë nga veprimtaria terroriste si në rajon dhe në botë. Qindra aeroplanë vetëm luftarak raportohet të jenë dislokuar nëpër bazat ajrore në shtetet e Lindjes së Mesme./gazetametro.net