Shokon eksperti i sigurisë, kështu ndodhi vjedhja në dhomën e dëshmive në stacionin policor Zubin Potok

Eksperti i sigurisë, Drizan Shala, përmes një shkrimi në Facebook, ka thënë se sipas informacioneve që janë duke qarkulluar në opinion jo zyrtar, vjedhja në dhomën e dëshmive në stacionin policor Zubin Potok është bërë gradualisht në një interval kohor më të gjatë.

Shala në shkrimin e tij, mes të tjerave, shkruan se, “nëse këto informacione janë të sakta si është e mundur që disa ditë para vjedhjes në këtë dhomë ishte pjesë e një inspektimi nga zyrtarët e Drejtorisë së Përgjithshme të Policisë (Zyrës qendrore të dhomës se dëshmive), dhe këta zyrtar nuk e kanë vërejtur që në këtë dhomë po mungojnë dëshmitë si armë të ndryshëm dhe gjana tjera”.

Eksperti i sigurisë, tregon se në vendet evropiane dhoma e dëshmive nuk gjinden në stacione policore, por, ruhen në zyrën e prokurorisë.

Ja shkrimi i ekspertit të sigurisë:

Sipas informacioneve që janë duke qarkulluar në opinion jo zyrtar vjedhja në dhomën e dëshmive në stacionin policor Zubin Potok është bërë gradualisht në një interval kohor më të gjatë.

Pra, nëse këto informacione janë të sakta si është e mundur që disa ditë para vjedhjes në këtë dhomë ishte pjesë e një inspektimi nga zyrtarët e Drejtorisë së Përgjithshme të Policisë (Zyrës qendrore të dhomës se dëshmive), dhe këta zyrtar nuk e kanë vërejtur që në këtë dhomë po mungojnë dëshmitë si armë të ndryshëm dhe gjana tjera.

Nëse qëndrojnë këto pretendime nga informacionet jo zyrtar atëherë lindin disa pyetje siç janë:

A i ka marrë prokuroria në pyetje këta zyrtarë të zyrës qendrore të dhomës së dëshmive mbi punën e bërë nga ana e tyre në këtë stacion policor, me që e kanë inspektuar para që të ndodhë vjedhja e saj?

IPK-ja a ka intervistuar ekipin e PK-së të kësaj zyre për raportin e inspektimit?

Pra, problemi është bukur më i madh se sa po përpiqet të paraqitet sepse nëse vetëm 1% janë këto informacione të sakta atëherë ka hapësirë për dyshime që edhe në dhoma tjera të dëshmive në stacione të policisë anën mban Kosovës ka pasur jo inspektim profesional dhe me këtë jo profesionalizëm buron shqetësimi se nëse nuk kemi ruajtje profesionale të dëshmive në këto dhoma atëherë sa procese hetimore kanë dështuar!

Sepse në vendet evropiane dhoma e dëshmive nuk gjinden në stacione policore, por, ruhen në zyrën e prokurorisë, ku aty do duhen të jenë të sistemuara gjitha dëshmitë dhe të kemi një centralizëm të kësaj çështje.