Shqiptari dyshohet se derdhi 1 mijë litra mbetje ndotëse n burim, alarmohet qyteti francez. Kryebashkiaku: Mbylla ujin!

Një shtetas shqiptar është arrestuar në Cahagnes pasi dyshohet se ka derdhur rreth 1.000 litra mbetje ndotëse në një burim ujor, duke shkaktuar alarm mjedisor dhe ndërhyrje emergjente të autoriteteve lokale.

Dëshironi të jetoni deri në 100 vjet? Pastroni arteriet kështu!

Sipas mediave franceze, incidenti ka ndodhur të hënën rreth orës 18:30, kur i dyshuari, një shqiptar 30 vjeçaf është kapur në flagrancë duke zbrazur një depozitë nga një automjet në një rrjedhë uji që derdhet në lumin Drome.

Ai nuk është ndaluar nga policia.

Materiali i derdhur dyshohet të ketë përmbajtur hidrokarbure dhe produkte kimike kundër mykut, çka ka detyruar ndërhyrjen e menjëhershme të shërbimeve zjarrfikëse dhe mbylljen e një stacioni lokal të ujit të pijshëm.

Autoritetet kanë mobilizuar 17 zjarrfikës nga katër qendra emergjence për të vendosur barriera thithëse dhe për të kufizuar përhapjen e ndotjes në ujë.

Aubigny u përfshi gjithashtu në masat emergjente, pasi stacioni i pompimit të ujit, i inauguruar vetëm pak ditë më parë që i shërben 25 mijë banorëve, u mbyll për arsye sigurie. Sipas autoriteteve lokale, furnizimi me ujë të pijshëm nuk është prekur për momentin, por stacioni do të mbetet i mbyllur deri në vlerësime të mëtejshme.

Kryebashkiaku Guillaume Dujardin deklaroi se ndërhyrja ishte e menjëhershme pas sinjalizimit të një dëshmitari okular dhe se uji kishte marrë ngjyrë të ylbertë dhe erë të fortë hidrokarburesh.

“Ky akt është i papranueshëm dhe duhet të ndëshkohet,” është shprehur ai.

Prokuroria franceze ka nisur hetimet dhe pritet që i dyshuari të përballet me akuza për ndotje të qëllimshme të mjedisit.