Serbia në vitin 2019, ne mes vendeve të Ballkanit Perëndimor më së shumti ka shpenzuar për ushtri, tregojnë të dhënat e fundit të Institutit Ndërkombëtar të Kërkimieve Paqësore në Stokholm (Stocholm Intenational Peace Research Institute – SIPRI).
Në Serbi, shpenzimet ushtarake gjatë vitit të kaluar, vlerëson SIPRI, ishin 1.14 miliardë dollarë, një rritje për 326 milion dollarë prej vitit 2018, gjegjësisht 43 për qind.
Me këtë kërcim, Serbia e tejkaloi Kroacinë vitin e kaluar, e cila ishte renditur e para në shpenzimet ushtarake në vitin 2018. Gjithashtu, në listën e 15 vendeve të para të SIPRI-sit me kërcimin më të madh në fonde në krahasim me vitin 2018, Serbia u rendit në vendin e pestë.
Të gjitha vendet e rajonit po shënojnë rritje të shpenzimeve ushtarake në krahasim me vitin 2018, ku Serbia dhe Kroacia kryesojnë, me rreth 1 miliard dollarë secila në 2019.
Vendet e tjera fqinje kanë ndjeshëm më pak investime ushtarake – Shqipëria 198 milion dollarë, Bosnja dhe Hercegovina 183, Maqedonia e Veriut, e cila këtë vit është anëtare e NATO-s – 151 milion, Mali i Zi 89.3, ndërsa Kosova kishte shpenzimet më të pakta ushtarake në 2019 – 65,7 milion dollarë.
Sidoqoftë, me përjashtim të Serbisë, asnjë prej vendeve nuk pati një kërcim kaq të madh në krahasim me vitin 2018. Serbia ka qenë e armatosur shumë në vitet e fundit dhe në furnizimin e saj është mbështetur kryesisht në Rusi.
Në Kosovë, siç pretendohet, investimet janë rritur në mënyrë lineare që nga shpallja e pavarësisë në vitin 2008.
Sipas SIPRI, buxheti i mbrojtjes në vitin 2008 ishte 0.9 milion dollarë, për të qenë tri herë më i madh vitin e ardhshëm në 2009 – 27 milion dollarë. Që nga viti 2017, fondet e caktuara të Kosovës për ushtri ishin mbi 60 milion dollarë.
Transformimi i Forcës së Sigurisë së Kosovës në një forcë të armatosur, që aktualisht është duke u zhvilluar dhe është planifikuar të zgjasë dhjetë vjet dhe gjatë asaj kohe, buxheti, siç parashikohet, gradualisht do të rritet.
