Nuk kanë të sosur marrëzitë në Itali, vetëm për të marrë pensionin e prindit. Ngjarja e radhës ka ndodhur në Torino. Pas më shumë se një muaji pa lajme për të, trup i pajetë i një gruaje 86-vjeçare, Enrica Bardotti, u gjet i groposur në një zonë pyjore pranë Palazzina di Caccia të Stupinigis, në Nichelino. Lajmi u bë i ditur pas një telefonate të befasishme në numrin e emergjencës 112.
Alarmi fillimisht u dha nga një shoqe e gruas, e cila shqetësohej se nuk dinte asgjë për 86-vjeçaren prej më shumë se 2 muajsh. Ajo iu drejtua karabinierëve, duke u shprehur se nuk kishte informacione për gjendjen e së moshuarës prej më shumë se një muaji. Pas verifikimeve dhe kërkimeve të zhvilluara, u gjet trupi i pajetë i gruas, disa qindra metra larg Palazzina di Caccia, në rrugën Nicolò Rotta.
Djali pranoi se kishte fshehur trupin. Sipas deklaratës së tij, ai nuk kishte kryer vrasje, por thjesht e kishte fshehur trupin pasi nëna e tij kishte vdekur, me qëllim të vazhdonte të përfitonte pensionin e saj. Një veprim që tani po hetohet nga autoritetet, ndërsa zyrtarisht ai akuzohet për fshehje të trupit të pajetë.
Rasti ka tronditur komunitetin lokal, ndërsa hetimet vazhdojnë nën drejtimin e prokurorit Francesco La Rosa. Kjo nuk është e pare që ndodh ngjarje e tillë në shtetin fqinj.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…