Për artistin e fotografisë, Fahredin Spahija, simpatija ndaj ish presidentit Ibrahim Rugova kishte filluar në fillimet e tij kur e ka parë në televizione ende pa qenë pjesë e politikës.
Në një intervistë ekskluzive për Insajderin Fahredin Spahija përveç artit fotografik të nudos ai foli edhe rreth vlerësimit që ka për ish-presidentin e Kosovës, Ibrahim Rugova.
“Simpatinë për atë e kam fituar shumë herët, po pastaj kur ka filluar të merret me politike dhe ka marr përgjegjësinë e krejt shqiptareve në Kosovë e kam vlerësu shumë Rugovën, pat jetë të shkurt po ka lënë shumë gjëra të mira dhe mbi angazhimin e tij është kriju kjo Kosovë, raportet e tij të krijume me amerikan e me shumë shtete evropiane që kanë qenë miq të përbetuar të Serbisë, siç është Franca Holanda, Britania e Madhe, Ibrahim Rugova me butësinë e tij me sinqeritetin e tij arriti të gjithë me i bo miq të përbetuar”, u shpreh Spahija për gazetën Insajderi.
