Koronavirusi i ri është një sfidë e paprecedëntë për shkencëtarët. Shpejtësia me të cilën përhapet do të thotë se edhe ata duhet të nxitojnë në kërkimet e tyre. Por, për këtë arsye janë ndërtuar superkompjuterat më të shpejtë në botë.
Summit, superkompjuteri i IBM-së, ka bërë mijëra simulime për të analizuar se kush janë përbërësit e ilaçeve që mund të ndalojnë në mënyrë të efektshme virusin. Superkompjuteri ka identifikuar 77 prej tyre. Ky është një hap premtues drejt krijimit të vaksinës.
Summit-it i është dhënë leja për prodhim në vitin 2014 nga Departamenti i Energjetikës në SHBA, me qëllim që të bëjë atë që po bën sot: të zgjidhë problemet e botës. Ai është 1 milion herë më i fuqishëm sesa laptopi më i shpejtë në qarkullim.
Ky superkompjuter bëri simulime të mbi 8 000 përbërësve që mund të frenojnë koronavirusin në përhapjen e tij. Nga këto simulime, Summit ka identifikuar 77 përbërës dhe i ka renditur madje nga më i efektshmi tek ai më pak i efektshmi në luftën ndaj virusit të ri.
Çfarë ndodh tani? Summit, sado i fuqishëm, nuk mund të bëjë më shumë se identifikimin e përbërësve. Tashmë, nevojiten studime eksperimentale që do të tregojnë se kush përbërës është më efikas.
“Rezultatet tona nuk kanë gjetur kurën apo trajtimin e koronavirusit”, tha Jeremy Smith, drejtor i Universitetit të Tenesi, në SHBA.
“Por, gjetjet tona mund të ndihmojnë studimet e mëtejshme, që janë të nevojshme për të krijuar vaksinën më efektive ndaj koronavirusit”, shtoi ai.
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…
Kryeministri Edi Rama ka reaguar me ironi në rrjetet sociale pas protestës e cila u…
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…