Sveçla u kërkon ndihmë urgjente ndërkombëtarëve që Serbia t’i lirojë 3 policët

Ministri i Punëve të Brendshme, Xhelal Sveçla, ka kërkuar nga faktori ndërkombëtar që urgjentisht të rris presionin ndaj Serbisë për të liruar tre zyrtarët policor kufitar të Policisë së Kosovës të arrestuar sot nga policia speciale e Serbisë brenda territorit të Kosovës

Sveçla ka kërkuar nga faktori ndërkombëtar, që përveç lirimit të policëve, ata t’i bëjnë presion Serbisë edhe për t’i ndalë provokimet ndaj Kosovës.

“Kërkojmë nga faktori ndërkombëtar të rrisë urgjentisht presionin ndaj Serbisë që jo vetëm të lirojë zyrtarët tanë policorë por edhe të ndalë provokimet e saj”, ka shkruar ministri i Punëve të Brendshme.

Sveçla në reagimin e tij lidhur me rastin, ka konfirmuar se forcat speciale të Serbisë janë futur brenda territorit të Kosovës dhe kanë kidnapuar tre zyrtarët e Policisë së Kosovës.