Astrit Mehmeti – Llepota, i dyshuari për plagosje në rastin e gjuajtjeve me armë në “Duplex” mesnatën e së premtes, nuk është emër i njohur vetëm për Policinë e Kosovës. “Llepota” është i njohur edhe për Policinë spanjolle.
Siç raportonte gazeta e njohur spanjolle “El Pais” më 2006, Astrit Mehmeti ishte arrestuar në qytezën Castelldefels të krahinës së Katalonjës në Spanjë nën dyshimin për pjesëmarrja në organizatë kr minale dhe vjedhje.
Siç shkruante “El Pais”, “Llepota” ndodhej në mesin e 12 personave të arrestuar. Gazeta shkruante se me arrestimin e 12 personave, Policia spanjolle “ka çmontuar një nga organizatat më të mëdha mafioze me origjinë shqiptaro-kosovare që vepronte në Katalonjë”.
Sipas asaj që shkruante “El Pais”, grupi kr minal dyshohej për kryerje të vjedhjeve të kasafortave dhe dyqaneve të bizhuterive.
Raportimi i ‘El Pais’ më 15 prill të vitit 2006
Astrit Mehmeti, 47-vjeç, i njohur me nofkën ‘Llepota’, dyshohet të ketë plagosur me armë zjarri katër roje të klubit të natës “Duplex” mesnatën e së premtes në Prishtinë.
Astrit Mehmeti, i cili është emër i njohur për Policinë e Kosovës, ka hapur zjarr ndaj katër rojeve të sigurimit të klubit të natës që ndodhet në qendër të Prishtinës, teksa ka qenë i shoqëruar nga Kushtrim Krasniqi dhe Andi Pajaziti.Andi Pajaziti, i njohur me nofkën “Italiani”, i tha Insajderit të hënën se ai dhe të dyshuarit e tjerë do të paraqiteshin në Polici të martën.
“S’jemi në arrati se s’kemi bërë asgjë na, shkojmë paraqitemi, kismet nesër”, ka thënë Pajaziti.
Në këtë bisedë telefonike, “Italiani” i grupit të Astrit Mehmetit, ka treguar se cilat kanë qenë motivet e gjuajtjeve me armë para hyrjes së klubit të natës “Duplex” të premten në mesnatë.
“Ata nuk na kanë lejuar të hyjmë brenda. Ka qenë veprim i keq ai i joni por ata kanë gabuar sepse ne nuk kemi shkuar që të luftojmë atje”, ka thënë Andi Pajaziti, i cili ka treguar emrin e tij pas insistimit të gazetës.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…