Policia e Ankarasë në Turqi ka arrestuar një shofer kamioni, i cili është kapur “mat” duke tentuar të shesë në disa tregje të vendit materialet e ndihmave të mbledhura për të prekurit nga tërmetet shkatërrimtare të 6 shkurtit në juglindje të Turqisë.
Sipas policisë turke, shoferi i kamionit u ndalua me akuzën se ua shiste marketeve materialet e ndihmës së mbledhura për të prekurit nga tërmeti në zona të ndryshme të vendit.
Në deklaratën e kryer nga Kryeprokuroria Publike, thuhet se ka nisur hetimi pasi është konstatuar se në disa tregje të qytetit shiteshin materiale ndihme humanitare me ushqime, të dërguara nga Ankaraja në zonat e tërmetit.
Drejtuesi i kamionit Y.Ö është arrestuar nga Gjykata Penale e Paqes për veprën penale “Shpërdorim besimi”, duke përfituar në këtë mënyrë nga fatkeqësia e të prekurve nga kjo tragjedi.
