Rrahjet e përleshjet mes nxënësve në shkollat fillore e të mesme janë shumë të shpeshta. Pothuajse çdo ditë raportohet për sherre të ndryshme, motivet e të cilave shpesh dalin të jenë banale. E në shumë raste ndodh që të përdoren e dhe mjete të forta e të mprehta nga të miturit.
Një rast i tillë ka ndodhur mëngjesin e sotëm në fshatin Poklek i Ri në Drenas ku disa nxënës të shkollës së mesme janë përfshirë në një rrahje dhe për pasojë dy prej tyre u therën me thikë nga bashkëmoshatarët e tyte.
Burimet e Sinjalit nga Emergjenca kanë bërë me dije se dy nxënësit që u sulmuan me thikë fillimisht kanë marrë trajtim mjekësor në Drenas, e më pas janë transportuar për në QKUK për tretman të mëtutjeshëm.
Ndërkohë, personat që dyshohen për këtë rast janë L.Q., dhe L.Q., të dy 16-vjeçarë, të cilët janë arrestuar nga Policia në vendin e ngjarjes, teksa i dyshuari i tretë ndodhet akoma në arrati.
Me rastin e intervenimit, Policia e ka sekuestruar mjetin e mprehtë që është përdorur në rast, ndërsa dy të dyshuarit që u kapën janë shoqëruar në stacion policor për intervistim.
Ndaj tyre, Prokurori i Shtetit ka urdhëruar masën e ndalimit policor dhe inicimin e rastit për veprat penale “Vrasje në tentativë” dhe “Mbajtje ne pronësi, kontroll ose posedim i pa autorizuar i armës”.
