Në banesën e babait të Leonard Dukës ka shpërthyer një sasi tritoli.

Ngjarja ka ndodhur rreth orës 3 të mëngjesit të së martës në zonën e Freskut, në afërsi të Insitutit të Fizikës Bërthamore.

Muhamed Duka, babai i vëllezërve Duka, banonte në katin e katërt të një pallati. Deri tani nuk raportohet për të lënduar.

Leonard Duka është një prej vëllezërve që drejton atë që njihet si grupi kundërshtar i Ervis Martinaj ose “klani Duka”.

Ai u arrestua më 14 shkurt në një provincë të Brukselit, në një operacion të përbashkët mes Fast Albania dhe zyrës së Interpolit në Bruksel.

Duka rezulton një person i shpallur në kërkim ndërkombëtar për krime kundër personit dhe për armëmbajtje pa leje.