Trump shtanget nga Inteligjenca amerikane: Mojtaba Khamenei mund të jetë homoseksual

Presidenti amerikan Donald Trump u trondit pas një mbledhjeje informative javën e kaluar, që tregonte se inteligjenca amerikane ka informacion se lideri i ri suprem i Iranit, Mojtaba Khamenei, mund të jetë homoseksual.

Burime nga The New York Post raportojnë se ky ka qenë gjithashtu shqetësim për babanë e tij të ndjerë, Ali Khamenei, i cili dyshonte mbi aftësinë e tij për të udhëhequr vendin. Sipas burimeve, Trump qeshi i habitur gjatë takimit informues, ndërsa të pranishmit e tjerë e gjetën situatën “qesharake”, madje një zyrtar i Inteligjencës tha se nuk ka ndalur së qeshuri për ditë të tëra.

Raportohet se Mojtaba, i njohur si “fuqia pas rrobave” gjatë periudhës që shërbente pranë babait të tij, mund të ketë pasur një marrëdhënie të gjatë me tutorin e tij të fëmijërisë dhe më pas ka bërë “afirmime seksuale agresive” ndaj meshkujve që kujdeseshin për të gjatë trajtimeve mjekësore, sipas një burimi të brendshëm.

Informacioni vjen nga burime shumë të mbrojtura dhe konsiderohet i besueshëm nga agjencitë amerikane të spiunazhit, edhe pse nuk ekziston as një fotografi që e konfirmon këtë, sipas një raportimi nga New York Post. Ky informacion ka qarkulluar në mënyrë të kufizuar brenda Qeverisë amerikane dhe ishte një ndër arsyet pse babai i tij, Ali Khamenei, dyshonte mbi zgjedhjen e tij si pasardhës.

Homoseksualiteti është i ndaluar në Iran dhe konsiderohet krim që mund të dënohet me vdekje, ndërsa disa individë detyrohen të kryejnë operacione ndryshimi gjinie për të shmangur ndëshkime. Burime të brendshme shpjeguan se ka një argument moral për të bërë publik informacionin mbi orientimin seksual të Mojtaba Khamenei, për shkak të statusit të tij si udhëheqës i një teokracie represive.

Aktualisht, vendndodhja dhe gjendja e shëndetit të Mojtaba Khamenei pas sulmeve ajrore të 28 shkurtit mbeten të pasigurta, ndërsa Shtëpia e Bardhë nuk ka bërë koment mbi çështjen.