Turqia pritet të marrë komandën e forcës së udhëhequr nga NATO-ja në Kosovë në një rotacion të planifikuar këtë vjeshtë, pas përplasjeve më të ashpra në rajon në një dekadë, sipas zyrtarëve turq të njohur me këtë çështje.
Turqia, e cila është e dyta për nga numri i ushtarëve brenda Organizatës së Traktatit të Atlantikut të Veriut pas SHBA-së, ka të ngjarë të marrë drejtimin e misionit të KFOR-it nga Italia në tetor, thanë zyrtarët, duke kërkuar të mos identifikohen për shkak të ndjeshmërisë së informacionit, raporton “Bloomberg”.
Ndërrimi i komandës ishte planifikuar para shpërthimit të fundit të dhunës në veri dhe zgjedhja e Turqisë ende nuk është finalizuar.
Me kërkesë të NATO-s, Turqia ka dislokuar një batalion komando në Kosovë pas protestave që lanë 30 paqeruajtës të plagosur, duke kërcënuar një proces shumëvjeçar për normalizimin e marrëdhënieve ndërmjet Kosovës dhe Serbisë në një moment kritik kur Bashkimi Evropian dhe aleatët e NATO-s janë të fokusuar në luftën e Rusisë në Ukrainë.
Ministria e Mbrojtjes e Turqisë nuk kishte asnjë koment të menjëhershëm. Një zëdhënës i NATO-s nuk iu përgjigj menjëherë një kërkese për koment.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…