Turkey and Israel flags together textile cloth, fabric texture
Yair Lapid, ministri i Jashtëm i Izraelit, ka falënderuar Turqinë këtë të enjte pasi, sipas tyre, ka arritur të shmangë një sulme të Iranit ndaj shtetasve izraelitë në Stamboll. Më herët, Turqia u shpreh se kishte arritur të shmangte një sulm nga Irani ndaj qytetarëve izraelitë në këtë shtet.
Pak ditë më parë, Izraeli i bëri thirrje qytetarëve të tij që të largoheshin menjëherë nga Turqia, për shkak të rrezikut të sulmeve nga Irani, i cili ishte zotuar për hakmarrje për vrasjen e kolonelit të Gardës Revolucionare në Teheran më 22 maj, për të cilin fajësoi agjentët izraelitë.
Ndërkohë, Mevlut Cavusoglu, ministri i Jashtëm i Turqisë, tha se dy vendet po punojnë për të rivendosur përfaqësitë diplomatike në nivel ambasadori duke i dhënë fund më shumë se një dekade marrëdhëniesh të tensionuara.
Të dy vendet mbyllën ambasadat respektive në vitin 2018 dhe shpesh janë përplasur për konfliktin izraelito-palestinez. Një nga fushat që po rikthen bashkëpunimin është energjia, në të cilën dy vendet po bashkëpunojnë.
Lapid zhvilloi një vizitë në Turqi, ku u takua me Cavusoglu. Ndërkohë, ministri turk ishte në Izrael muajin e kaluar për zgjerim të bashkëpunimit ekonomik në vizitën e tij të parë të një zyrtari të lart turk në 15 vitet e fundit.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…