Shkrimtari i njohur Salman Razhdi i cili pak muaj më parë u godit me thikë gjatë një aktiviteti në një universitet, është shfaqur për herë të parë në publik.
“Jam me fat dhe mirënjohës”, këto janë këto fjalët e para të autorit të njohur, i cili si pasojë e sulmit humbi njërin sy.
Me syze të errëta ai u shfaq për herë të parë në publik duke theksuar se ishte ende duke marrë veten nga ngjarja e rëndë.
75 vjecari ka pësuar disa dëmtime në tru, të cilat i kanë krijuar vështirësi për të shkruar.
Rushdie i tha The Neë Yorker se ishte prekur nga reagimi i njerëzve ndaj sulmit.
“Është shumë mirë që të gjithë u prekën kaq shumë, e dini? Unë kurrë nuk e kisha menduar se si do të reagonin njerëzit nëse do të më vrisnin, ose pothuajse do të më vrisnin. “Unë jam me fat. Ajo që me të vërtetë dua të them është se ndjenja ime kryesore është mirënjohja” u shpreh shkrimtari i njohur i librit Vargjet Satanike.
Ai postoi një fotografi në Tëitter pas publikimit të intervistës, duke shkruar:
“Fotografia në NeëYorker është dramatike dhe e fuqishme, por kjo, në mënyrë më prozaike, kështu dukem unë të vërtet”.
Pas muajsh rikuperimi, Rushdie tha se ai ishte mirë duke marrë parasysh forcën e incidentit.
“Dëmtimet e mëdha janë shëruar, Kam ndjesi në gishtin e madh dhe gishtin tregues dhe në gjysmën e poshtme të pëllëmbës. Unë jam duke bërë shumë terapi të duarve dhe më thonë se po kaloj shumë mirë “, shtoi autori.
Ai theksoi gjithashtu se vuante nga një bllokim mendor pas sulmit, duke përfshirë ëndrrat e frikshme, të cilat ai tha se tani po pakësohen.
75 vjecari u godit 12 herë gushtin e kaluar pak çaste para se ai të jepte një leksion në një univeristet në Neë York. Personi i dyshuar për sulmin ndaj autorit është akuzuar për tentativë vrasje. Romani i fundit i Rushdie, Victory City u përfundua pak para sulmit dhe do publikohet në fund të kësaj jave.
“Unë gjithmonë jam përpjekur shumë të mos përvetësoj rolin e viktimës,” tha Rushdie. “Atëherë ju jeni ulur atje duke thënë: “Dikush më futi një thikë në mua! I mjeri unë”… Gjë që ndonjëherë e mendoj,” duke shtuar me shaka, “Më dhemb”.
