Grisha Krep (12) dhe motra e tij, Vika (10) humbën për katër netë në një pyll të egër në rrethin Slobodo-Torino të Rusisë. Ekipet e shpëtimit kishin frikë se nuk do të gjendeshin kurrë.
Në kërkimin e fëmijëve, të cilët u zhdukën pas peshkimit në lumin Lipka, u përfshinë 650 pjesëtarë të policisë dhe vullnetarë të cilët “krehën” një zonë të madhe të banuar nga ujqër dhe arinj.
Drama filloi të martën e kaluar, kur vogëlushi u raportua i zhdukur. Në një kohë të shkurtër u organizua një operacion shpëtimi dhe u mbuluan 1000 kilometra pyje dhe këneta.
Pas 96 orësh, Grisha dhe Vika u gjetën “të frikësuar dhe të ngrirë”, të ngrënë nga insektet, të uritur, të dehidratuar – por të gjallë.
Ata zbuluan se hanin vezë thëllëza për të mbijetuar. Fëmijëve iu dhanë ushqim të ngrohtë dhe ujë, e më pas iu dorëzuan mjekëve, raporton The Sun.
Kur vëllai dhe motra treguan se si u mbijetuan një luzmë arinjve dhe ujqërve, shpëtimtarët mbetën pa fjalë.
Doli se kafshët e tyre shtëpiake – qentë beagle, nuk i lanë në baltë. Gjatë gjithë kohës ata i ndiqnin nëpër pyll dhe lehnin për të larguar kafshët e egra!
Besohet se të vegjlit kanë udhëtuar dhjetëra kilometra duke kërkuar një rrugëdalje nga pylli dhe janë gjetur jo shumë larg fshatit Burmakin.
Grisha dhe Vika ishin sërish në krahët e nënës së tyre, teksa gruaja e shqetësuar u thirr në spital.
“Unë besova në ju! E dija që jeni mirë”, u tha Alfija fëmijëve
Ndryshe, fëmijët raportohet se po ktheheshin nga peshkimi dhe morën një kthesë të gabuar, pas së cilës humbën orientimin.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…