VIDEO/ Një raketë balistike godet Dubain, shpërthim i fortë në Palm Island pranë kullës Burj Khalifa-s

Raportohet për shpërthime të forta në disa zona të Dubai-t. Dëshmitarët thonë se një shtresë tymi dhe flakë mund të shihej në lagjen Palm Island pranë kullës Burj Khalifa-s të qytetit, sipas raportimeve të agjencisë Reuters.

Autoritetet ende nuk kanë dhënë një njoftim zyrtar për ngjarjen. Incidenti vjen në një kohë të tensionuar në rajon, ku përplasjet dhe aktiviteti ushtarak mes Iranit, Izraelit dhe SHBA-së janë shtuar, duke rritur shqetësimet për sigurinë.

Sot ka ndodhur një përshkallëzim i madh i luftës midis Izraelit, Shteteve të Bashkuara të Amerikës dhe Iranit. Izraeli dhe SHBA-ja kanë nisur një seri sulmesh ushtarake kundër objektivave të ushtrisë iraniane. Këto sulme janë bërë kryesisht me raketa dhe avionë luftarakë drejt bazave ushtarake dhe objektivave strategjike në Iran. Qëllimi i Izraelit dhe SHBA-së ishte të dobësonin kapacitetet ushtarake të Iranit dhe të pengonin kërcënimet që sipas tyre vinin nga programet raketore dhe ushtarake iraniane.

Në Teheran dhe në qytete të tjera të Iranit janë dëgjuar shpërthime të fuqishme dhe ka pasur dëme materiale në zona të banuara. Ka raporte për viktima dhe të vrarë, përfshirë civilë.

Pas këtyre sulmeve, Irani ka reaguar menjëherë duke nisur kundërgoditje me raketa dhe dronë drejt bazave ushtarake ku ndodhen forca amerikane dhe, në disa raste, edhe zjarr kundër Izraelit. Kjo ka shkaktuar shpërthime dhe alarme në rajon, sidomos në vende ku stacionohen trupat amerikane.

Situata është shumë e tensionuar dhe ka çuar në frikë për një konflikt më të gjerë rajonal, pasi raketat dhe goditjet po ndikojnë edhe në vende të tjera të Lindjes së Mesme.