Ministria e Mbrojtjes e Azerbajxhanit thotë se ka filluar operacionet “anti-terroriste” në rajonin e saj të shkëputur të Nagorno-Karabakut, nën kontrollin armen.
Tensionet kanë qenë të larta për muaj të tërë rreth enklavës etnike armene, e njohur ndërkombëtarisht si pjesë e Azerbajxhanit, shkruajnë mediat e huaja.
Njëmbëdhjetë policë dhe civilë të Azerbajxhanit janë raportuar të vrarë në një shpërthim mine dhe një incident tjetër.
Ndërkohë sirenat e sulmit ajror janë raportuar në qytetin kryesor të Karabakut.
Ndërsa zyrtarët e mbrojtjes në rajonin e shkëputur thanë se ushtria e Azerbajxhanit kishte “shkelur armëpushimin përgjatë gjithë linjës së kontaktit me sulmet me raketa-artileri”.
Përfaqësues të tjerë të Karabakut folën në mediat armene për një “ofensivë ushtarake në shkallë të gjerë”.
Dy fqinjët, Azerbajxhani dhe Armenia, kanë hyrë në luftë dy herë për Nagorno-Karabakun, së pari në fillim të viteve 1990 pas rënies së Bashkimit Sovjetik dhe përsëri në vitin 2020.
