Video e filmuar brenda një taksie, që tregon një 19-vjeçar, i cili qëllon me gjakftohtësi tre herë pas shpine shoferin e mjetit, ka shokuar Turqinë.
Ngjarja ka ndodhur mbrëmjen e 31 janarit në Izmir, kur 44-vjeçari Oguz Erge ka marrë në taksinë e tij 19-vjeçarin. I riu në fund të udhëtimit e pyet se “sa kushton rruga” dhe përpara se 44-vjeçari të përgjigjet, ai nxjerr pistoletën dhe e qëllon tre herë.
Para se të largohet ai bën sikur kërkon para në xhep dhe i thotë me sarkazëm ‘221 lira vëlla’. Më pas në video, 19-vjeçari shihet duke u ulur në sediljen e pasagjerit, duke kërkuar para në taksi dhe duke i thënë 44-vjeçarit se “nuk duhet t’i besojë të gjithëve”.
Ministri turk i Shëndetësisë njoftoi se taksisti 44-vjeçar u dërgua i plagosur rëndë në spital dhe pak orë më vonë ndërroi jetë. Pasi u njoftua policia, oficerët shqyrtuan 110 orë pamje nga 70 kamera sigurie dhe përfundimisht gjetën 19-vjeçarin.
Siç rezultoi nga hetimet e policisë, 44-vjeçari, kur është ndalur për të marrë 19-vjeçaren, është dukur i shqetësuar nga fakti se i riu ka qenë i maskuar.
“Jam i sëmurë, prandaj e mbaj veshur”, ka thënë i riu.
Taksisti i ka thënë: “Askush nuk do t’ju marrë në taksi nëse mbani maskë. Por a duhet t’i lëmë njerëzit në rrugë në një mot të tillë? Është acar.”
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…
Kryeministri Edi Rama ka reaguar me ironi në rrjetet sociale pas protestës e cila u…
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…