Presidenti i Ukrainës, Volodymyr Zelensky, i cili ndodhet në Shtetet e Bashkuara të Amerikës për Asamblenë e Përgjithshme të Kombeve të Bashkuara, zhvilloi një tjetër takim me presidentin Joe Biden në Shtëpinë e Bardhë, e dyta që nga nisja e luftës.
Edhe këtë herë, Zelensky mori mbështetjen e Shteteve të Bashkuara në përballjen e vendit të tij ndaj Rusisë, teksa kërkoi armë të tjera për të vijuar kundërofensivën, që tashmë ka arritur përparim domethënës.
“Paketa e re e armëve është tepër e fuqishme. Shumë faleminderit presidenti Biden, pasi janë këto që ushtarët tanë kanë nevojë në këto momente. Faleminderit për mbështetjen e tuaj”, tha Zelensky pas takimit në Shtëpinë e Bardhë.
Ndërkohë, që presidenti Biden u shpreh se është i bindur se do të ketë dhe mbështetjen e Kongresit për paketën e re të ndihmave për Ukrainën, teksa informoi se tanket Abraham do të nisin të dislokohen në frontin e luftës duke filluar nga java e ardhshme.
“Tanket Abraham do të nisen të dërgohen duke filluar nga java e ardhshme. Ne jemi përkrah jush dhe do të vazhdojmë të jemi. Ukraina është një partner i SHBA dhe duam një paqe të drejtë dhe që të qëndrojë në kohë, që respekton sovranitetin dhe integritetin territorial të Ukrainës”, tha Biden.
Irani ka zgjedhur djalin e të ndjerit Ajatollah Ali Khamenei si udhëheqësin e ardhshëm suprem…
Konflikti në rritje mes Shteteve të Bashkuara të Amerikës dhe Iranit po vazhdon të shkaktojë…
Interneti është ndërprerë dhe qytetarët e zakonshëm që nuk kanë VPN nuk mund të lidhen…
Një klip i fjalimit të Presidentit rus Vladimir Putinit u botua ditën e sotme aksidentalisht…
Një grua nga Teheran ka deklaruar se shumë iranianë janë aq të lodhur nga represioni…
Forcat ajrore izraelite sulmojnë infrastrukturën iraniane të naftës në Teheran. IDF njoftoi se ndërmori një…