Detaje të reja mësohen rreth zhdukjes së shefit të anti-drogës në Mal të Zi. Sipas burimeve të “Novosti”, Rudolf Elezoviq ka pasur informacion se do arrestohej. Kështu, siç raportohet, ai është larguar jashtë shtetit duke shmangur marrjen ne pyetje nga prokurorja Speciale Mira Samarxhiq.
Burimi e mediave malazeze thonë se nuk përjashtohet mundësia se Elevzoviqit i ka ndodhur diçka. Prandaj hetimi është shtrirë në dy drejtime.
Interesant mbetet fakti që një njeri i afërt i tij ka qenë pjese e operacionit “Kurthi” ku janë arrestuar 24 persona. Dhe se i zhdukuri Elezoviq ka pasur informacionin e dorës së parë së çfarë kanë thënë të arrestuarit për të dhe disa efektivë të policisë së Ulqinit dhe Tivarit, të cilët dyshohen se kanë ndihmuar në trafikimin e drogës, shprehet burimi i “Novosti”.
Ne aksionin policor “Kurthi” u arrestuan 24 persona për trafikimin e 2.5 ton marihuanë nga Shqipëria, përmes Malit të Zi e drejt vendeve të rajonit e më pas për në vendet e BE-së. Sipas deklarimeve te disave nga të arrestuarit, Elezoviq dhe disa kolegë të tij më herët kanë bërë lëshime duke lejuar trafikun e sasive të mëdha të drogës.
Ndërsa, kanë kryer aksione në ndalimin dhe sekuestrim e sasive të vogla duke bërë që të duken të suksesshëm në luftën kundër trafikut të narkotikëve.
Një i arrestuar që ka marrë statusin e dëshmitarit të mbrojtur ka treguar gjithë dinamikën e funksionimit të grupit kriminal që është marrë me trafikimin e narkotikëve. Ai madje është shprehur se Elezoviq për çdo kilogramë të lëndës narkotike të trafikuar merrte përqindje të cilën me pas e ndante me kolegët.
Të njëjtën histori e kanë treguar më së paku edhe dy të arrestuar të tjerë. Nuk dihet ende se sa të vërteta janë këto dëshmi. Ministri i Brendshëm i Malit te Zi, Sergej Sekuloviq, është shprehur se është njoftuar për rastin dhe se ka te dhëna operative rreth hetimeve qe po kryhen por nuk mund te japë detaje.
