Pasditen e sotme një 26-vjeçar nga Gjilani ka kërcyer nga kati i pestë i njërit prej konvikteve të Qendrës së Studentëve në Prishtinë. Shefi i Emergjencës, Gëzim Mustafa, ka dhënë detaje për Express lidhur me rastin në fjalë
Mustafa tha se 26-vjeçari ka shkuar në QKUK me fraktura të rënda kryesisht në bazën e kokës.
“Rreth orës 17:45 e kemi konfirmuar vdekjen. Ka ardhur me shenja të rënda në bazën e kokës. Ka pasur gjakëderdhje nga veshet hunda dhe goja dhe fraktura te medha. Pra lendimet kane qene vdekjeprurëse”, ka thënë Mustafa.
Ndërkohë, lajmin se një person ka kërcyer nga njëri prej konvikteve në Qendrën e Studentëve në Prishtinë, e ka konfirmuar edhe Policia e Kosovës.
“Me datë 03.05.2020, rreth orës 17:20, ekipet e emergjencës dhe Policia kanë shkuar te Qendra e Studenteve dhe një person është përcjell me autoambulance në drejtim të Klinikes Emergjente. Njësitet e policisë dhe forenzika kanë dalë në vendin e ngjarjes dhe pas procedurave hetimore do të sqarohen rrethanat tjera”, ka thënë për Express Daut Hoxha, zëdhënës i policisë.
