Analisti politik, Blerim Latifi, ka thënë në emisionin Pressing në T7 se kryeministri në detyrë i Kosovës, Albin Kurti, ka një anëtar të kabinetit që ishte kundër intervenimit të NATO’s në Kosovë.
Latifi ishte duke komentuar deklaratat ish-këshilltarit politik të Kurtit, Shkëlzen Gashi, për krimet e luftës në momentin kur bëri të ditur se Kurti ka edhe një këshilltar në kabinetin e tij që ishte kundër intervenimit të NATO’s.
“Unë e di që një këshilltar i Kurtit, që nuk dua t’ia bëj të ditur emrin, ka marrë pjesë në protestat e kurdëve në Paris kundër intervenimit të NATO’s në Kosovë”, thotë Latifi.
“Ai ka qenë në rendin e parë të protestave. Ka dëshmi dhe foto. Protesta ishte e kurdëve të Turqisë pjesë e partisë komuniste kurde PKK’’, shton ai.
‘’Në kabinetin e Kurtit është një këshilltar që ka protestuar kundër ndërhyrjes së NATO’s në Kosovë’
