Dënohen 3 shqiptarët që qeshnin dhe pozonin me kanabis me vlerë 1 milion paund në Angli

Tre shqiptarë qeshin dhe pozojnë me kanabis me vlerë 1 milion paund të kultivuar në një qytet në Mbretërinë e Bashkuar, sipas mediave britanike

Shqiptarët që trafikonin drogën u kapën në flagrancë me shumën prej 1 milion paundësh, që planifikonin të përdornin për të përmbytur rrugët e Mbretërisë së Bashkuar.

Xhoi Kasaj(Imazhi: MEN Media)

Tre shqiptarët që pozuan me një sasi kanabisi prej 1 milion paundësh të kultivuar në një papafingo industriale në një qytet në veriperëndim të Anglisë janë burgosur. Indrid Hysembelli, 26 vjeç, Xhoi Kasaj, 30 vjeç, dhe Romeo Toska, 26 vjeç, u gjetën të fshehur brenda një papafingoje, në një fermë gjatë një bastisjeje policore në qershor të vitit të kaluar.

Romeo Toska(Imazhi: MEN Media)

Hysembelli u burgos për tre vjet e shtatë muaj, Toska për dy vjet e tetë muaj dhe Kasaj u burgos për dy vjet e tre muaj.

Indrid Hysembelli(Imazhi: MEN Media)

Christopher Brown, nga Policia e Mançesterit, tha: “Ishte një operacion i rëndësishëm dhe shumë i organizuar për kultivimin e kanabisit, duke prodhuar drogë me vlerë gati 1 milion paund dhe duke paraqitur një rrezik serioz për komunitetin lokal.”

“Trafikimi i drogës nuk është një krim pa viktima. Ai është i lidhur ngushtë me aktivitetin e dhunshëm të bandave dhe shfrytëzimin e njerëzve vulnerabël – çështje serioze që ndikojnë në komunitetet në të gjithë Mançesterin dhe mbeten një fokus kyç i punës sonë të vazhdueshme të zbatimit të ligjit.”