Arabia Saudite thuhet se do të heqë ndalimin e alkoolit në 600 vende këtë vit, ndërsa vendi shpreson të fitojë mbështetjen e turistëve dhe tifozëve të futbollit para Kupës së Botës 2034.
Kombi ultrakonservator do t’i japë fund ndalimit 73-vjeçar të shitjes dhe konsumit të alkoolit në vendet turistike deri në vitin 2026.
Vizitorët do të lejohen të pinë verë, birrë dhe musht molle në vende të licencuara, siç janë hotelet me pesë yje dhe zhvillimet turistike, pretenduan mediat lokale, në plane të cilat u raportuan gjerësisht ndërkombëtarisht.
Planet janë pjesë e Vizionit 2030 të Shtetit të Gjirit, një iniciativë për të tërhequr turistë dhe investime në përgatitje për organizimin e ngjarjeve të mëdha ndërkombëtare, duke përfshirë Expo 2030 dhe Kupën e Botës në vitin 2034.
Autoritetet thanë se qëllimi “është të mirëpresim botën pa humbur identitetin kulturor — duke e pozicionuar Arabinë Saudite si një vend progresiv, por të respektueshëm në hartën globale të turizmit”.
Sipas rregulloreve të reja për alkoolin, disa vende do të lejohen të shërbejnë birrë dhe verë. Ato do të operohen nga një staf i trajnuar sipas kushteve të rrepta të licencimit.
Pijet alkoolike me përmbajtje alkooli mbi 20 për qind do të mbeten të ndaluara.
Meqenëse politika e re u drejtohet turistëve dhe emigrantëve, alkooli në shtëpi, hapësira publike dhe pika shitjeje me pakicë do të vazhdojë të jetë i ndaluar me ligj.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…