Mediat italiane kanë publikuar dëshminë e 45-vjeçarit shqiptar Taulant Malaj, i cili dy ditë më parë vrau vajzën e tij 16-vjeçare, Xhesika Malaj, si dhe 50-vjeçarin italian, Massimo De Santis, me të cilin dyshonte se bashkëshortja e tij kishte një lidhje jashtëmartesore.
Malaj bëri deklarata spontane pas arrestimit duke pranuar vrasjen e dyfishtë. Kur karabinierët e arrestuan, ai kishte ende rrobat e lyra me gjak dhe kishte lënë armën e krimit, një thikë buke, brenda makinës së tij.
“Si është Xhesika, a është mirë?”- pyeti Malaj në mënyrë konfuze prokurorët të cilët shkuan ta merrnin në pyetje.
“Nuk pashë asgjë. Më ishin errur sytë dhe kisha djallin në tru”- kështu u rrëfye Taulant Malaj, 45-vjeçari që vrau vajzën e tij 16-vjeçare dhe fqinjin me të cilin dyshonte se e tradhtonte gruaja.
Pas krimit të rëndë Malaj filmoi trupat e viktimave dhe gruan e plagosur dhe videon ia dërgoi personave të njohur të tij në Whatsapp.
Malaj dyshohet se kërkoi dhe të birin 5-vjeçar për ta ekzekutuar, por që nuk mund ta gjente, për shkak se ishte fshehur pas divanit.
