Kosova U19 ka marrë fitoren e parë për kualifikimet e Kampionatit Evropian për grupmoshat U19 duke mposhtur Spanjën në ‘Fadil Vokrri’.
‘Dardanët’ e rinj triumfuan me rezultat 4-3 ndaj ‘La Roja’ duke arritur që fitoren ta sigurojnë në çastet e fundit të takimit.
Në fakt ishin spanjollët ata që patën një avantazh prej dy golave, por Kosova shpejt arriti që të përmbysë gjithçka për ta kthyer rezultatin në favorin e tyre.
Dior Gerbovci dhe Edion Gashi shënuan nga një gol për të barazuar rezultatin në 2-2 para se lojtari spanjoll Raul Jimenez Latorre të shënonte autogol për epërsinë e Kosovës prej 3-2.
Në pjesën e dytë Spanja e gjeti sërish golin kësaj radhe me Omar Janneh i cili shënoi për rezultatin 3-3.
Të besuarit e Adil Maliqit tri pikët i siguruan në ‘frymën e fundit’ duke realizuar për rezultatin përfundimtar 4-3 me një gol të Elvir Gashijanit.
Pas kësaj fitore Kosova renditet në pozitën e dytë në grup me tri pikë, teksa atë e kryeson Austria me gjashtë sosh.
Kjo nuk është e tëra nga ‘Dardanët’ e rinj pasi të martën ata do të kenë një tjetër ndeshje, kësaj radhe në udhëtim ndaj Ishujve Faroe.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…