Ndonëse kanë kaluar më shumë se 20 vite nga lufta e fundit, plagët e dhimbjet ende janë të hapura.
Kosova, tokë e larë me gjakun e atyre që flijuan më të shtrenjtën që patën, jetën vetëm për lirinë që ne sot e gëzojmë.
Shumë fëmijë mbetën pa prindër, shumë gra pa burra e shumë familje pa Zot shtëpie.
Armiku serb nuk kurseu asgjë dhe askënd, madje as fëmijët që mizorisht i mbyste në sy të prindërve.
Më shumë se asnjëherë tjetër, data 27 prill vjen si kujtesë për ata që s’janë në mesin tonë, për fatin e të cilëve ende nuk dihet, shkruan Indeksonline.
1641 persona ende janë të zhdukur, derisa pritja në heshtje e then vetëm malli, nuk mbaron kurrë.
Përmes imazheve të fotografit Artan Korenica, iu sjellim dhimbjen e familjarëve që ende kanë një fije shprese që një ditë ata do të kthehen.
